प्रथम हरभरा 2-3 वेळा स्वच्छ धून (काळा चणा)रात्र भर भिजत घालणे. नंतर दुसऱ्या दिवशी करताना हे चणे छोटया कुकर मध्ये घेऊन त्या मध्ये गरम पाणी आणि मीठ घालून छान 15 मिनिटे मऊ शिजवून घेणे.खालील फोटो मध्ये दाखवल्या प्रमाणे मऊ शिजवून घेणे.

आता गॅस वर कढई ठेवून त्या मध्ये तेल घालावे व त्यात मोहरी, हिंग, जीरे आणि कढीपत्ता, तमालपत्र याची फोडणी करून घेणे. आता त्या मध्ये बारीक चिरलेला कांदा 2मिनिटे परतून घेणे. आता त्या मध्ये टोमॅटो आणि लसुण याची पेस्ट करून ती कांद्या सोबत 3-4 मिनिटे छान परतून घेणे.

छान टोमॅटो लसूणचा कच्चपणा जाई पर्यंत परतून घेणे. आता वाफवून घेतलेले चणे त्यातील 1/2 वाटी चणे घेऊन ते मिक्सर मधून त्याची पेस्ट करून घेणे. आता ही चणा पेस्ट त्या कढई मध्ये घालावी व थोडे पाणी घालून छान 2-3 मिनिट परतून घेणे. याने करी ला घट्ट पणा येतो व ती छान मिळून येते.

आता या मध्ये सगळे मसाले आपल्या आवडी प्रमाणे घालून घेणे. कोणताही तुमचा रोजच्या वापरातील मसाला या मध्ये घालू शकता. हे मसाले छान 3-4 मिनिटे परतून घेणे. व आता त्या मध्ये राहिलेले चणे त्या पाण्या सहित घालावेत. त्या वाफवलेल्या पाण्या मध्ये जीवनसत्व खूप असते. आता त्या मध्ये चवीनुसार मीठ घालून घेणे.

छान या करीला उकळी काढून घेणे. करी किती पातळ किंवा घट्ट हवी आहे या नुसारलागले तर गरम पाणी घालावे.5-7 मिनिटे ही चणा करी शिजवून घेणे. वरून कोथिंबीर घालून गॅस बंद करावा.

अशा प्रकारे मस्त टेस्टी अशी चमचमीत चणा करी तयार झाली. गरम गरम फुलके, पोळी किंवा पुरी सोबत सर्व्ह करू शकता.