ताजा खोवलेला नारळ घेऊन त्यात थोडे थोडे पाणी घालून मिक्सरमध्ये बारीक वाटण करून घ्यावे.हे गाळणीने गाळून घ्यावे. म्हणजे आपल्याला नारळाचे दूध मिळेल.

मक्याचे दाणे उकडून घ्यावेत.
मिक्सरमध्ये काजू,आलं व मिरची वाटून घ्यावे.

कढईत तेल गरम करून त्यात जीरे, मोहरी, हळद,हिंग, वेलाची,लवंग आणि तमालपत्र घालावे. नंतर कांदा,टोमॅटो, लसूण घालून गोल्डन ब्राऊन होईस्तोवर परतावे.यामध्ये वाटलेली काजू,आलं,मिरची पेस्ट घालावी.

दही, साय घालून सर्व एकत्र ढवळावे.

यात नारळाचे दूध घालून नीट हलवून घेणे.

मीठ, साखर, मिरपूड आणि किचन किंग मसाला घालून स्वीट कॉर्न करी छान हलवून घ्यावी.

एक उकळी आली की गॅस बंद करावा.
गरमागरम सर्व्ह करावे. फुलके, भाकरी, चपाती कशाही सोबत खूप छान लागते.