सर्वप्रथम पालक स्वच्छ धुऊन घ्यावा. पातेल्यात पाणी गरम करून त्यात पालक तीन ते चार मिनिटे उकळून घ्यावा. पालक गरम पाण्यातून काढून लगेच थंड पाण्यात ठेवा.

कढईत दोन टेबलस्पून तेल गरम करून त्यात कांदा, मिरच्या आलं लसूण पेस्ट परतून घ्यावी. पालकाची पानं चिरून व बटाटा कुस्करून घालावा. सर्व मसाले व मीठ घालावे. सर्व मिश्रण एकजीव करून तीन ते चार सेकंद परतून घ्यावे.

भाजी थोडी थंड झाली की त्यावर किसलेले चीज घालावे.

भाजी पूर्ण थंड होते तोपर्यंत गव्हाचं पीठ, मैदा, मीठ आणि लागेल तसं पाणी घालून कणिक मळून घ्यावी. या मिश्रणाचा गोळा थोडासा लाटून त्याची पारी बनवून घ्यावी. त्यावर तयार भाजीचे मिश्रण मधोमध ठेवून पारी बंद करून त्याचा जाडसर पराठा लाटून घ्यावा.

पॅनवर तेल किंवा तूप गरम करून पराठे दोन्ही बाजूने मध्यम आचेवर खरपूस भाजून घ्यावेत. गरमागरम पराठे दही, लोणचं किंवा सॉस बरोबर सर्व्ह करावेत.