आता एका सुती कपड्यावर पसरून घ्या. फॅन खाली फक्त दहा मिनिटांसाठी ठेवा.. जास्त सुकवायचे नाही. फक्त हाताला ओले (म्हणजे पाणी लागले नाही पाहिजे) नाही लागले पाहिजे.. दमट असावेत..

मिक्सरमध्ये बारीक वाटून मैदा चाळायच्या चाळणीने (सोजीच्या चाळणीने) चाळून घ्या..

तांदूळ मिक्सरमध्ये वाटण्या आधी गूळ सुरीने कापून घ्या व नंतर खलबत्त्याच्या दांड्याने किंवा वरवंट्याने चेचून घ्या.. म्हणजे पुर्ण बारीक होऊन थोडा पातळ होईल.. आणि मग तांदूळ वाटायला घ्या. फोटोमध्ये दाखवल्याप्रमाणे..

सगळा गूळ एकदम घालू नये.. आधी अर्धा घालून मिक्स करावे..मग शिल्लक राहिलेल्या गूळ मधून पाव भाग घालून चांगले मिक्स करा..माझा पाऊण किलो मधून शिल्लक राहिला आहे

टिप...जर मिश्रण सुके वाटत असेल, तुमच्या पीठाचा गोळा झाला नाही तर पीठ मिक्सरमध्ये फिरवून घ्या.. लगेच गोळा तयार होईल.. पीठ पॅकबंद डब्यात घालून दोन तीन दिवस मुरत ठेवा.. आणि मग अनारसे बनवा.. पीठ फ्रिजमध्ये ठेवले तर महिनाभर चांगले रहाते.., फ्रिजमध्ये नाही ठेवले तरी पंधरा दिवस चांगले राहते.

मिडीयम टू लो गॅसवर तूप तापत ठेवा आणि अनारसे खरपूस तळून घ्या.. कढईतून काढल्यावर एका चाळणीवर ठेवा म्हणजे जास्तीचे तूप चाळणीतून निथळून जाईल.

तय्यार आहेत मस्त गुबगुबीत फुगलेले जाळीदार अनारसे..