प्रथम रवा मैदा आणि मीठ एकत्र करून त्यात तुपाचे मोहन घाला आणि चांगले मिक्स करून मळून घ्या आता थोडे थोडे दूध घालून मिश्रण घट्ट भिजवून घ्या आणि दोन तास झाकून ठेवा

तोपर्यंत कॉर्नफ्लोअरआणि तूप एकत्र करून चांगले फेटून घ्या. हा झाला आपला साटा तयार

आता सारणासाठी खोबर्‍याचा किस मंद गॅसवर गुलाबी रंगावर भाजून घ्या खसखस भाजुन घ्या आणि खोबऱ्याचा कीस आणि खसखस मिक्सर मधून बारीक करून घ्या

तुपावर बारीक रवा किंवा कणिक गुलाबी रंगावर भाजून घ्या हे मिश्रण गार झाल्यावर त्यात खोबऱ्याचा कीस खसखस वेलची पूड पिठी साखर घालून एकत्र करून सारण तयार ठेवा

आता रवा मैदा मिश्रणाचा गोळा मिक्सरमधून फिरवून घ्या म्हणजे तो मऊ होईल. याचे दोन भाग करून घ्या.एका भागात गुलाबी रंग घालून मिश्रण चांगले मळून घ्या आणि दुसरा भाग पांढरा ठेवा.

आता गुलाबी रंगाचा एक मध्यम आकाराचा गोळा घेऊन त्याची पोळी लाटा आणि ती बाजूला ठेवा त्याचप्रमाणे.पांढऱ्या रंगाची पण पोळी लाटून घ्या आणि बाजूला ठेवा..

पोळपाटावर गुलाबी रंगाची पोळी पसरवा. त्यावर तयार केलेला साट्यातील थोडासा साठा घेऊन एक सारखा पसरवून घ्या. त्यावर पांढर्‍या रंगाची पोळी ठेवून एक सारखा साटा पसरवून घ्या. या दोन्ही पोळ्यांची घट्ट गुंडाळी करून घ्या आणि त्याचे सुरीने तुकडे करून घ्या. अशाप्रकारे सगळ्या लाट्या करून घ्या आणि त्यावर पाण्यात भिजवून घट्ट पकडले ओले कापड पसरून ठेवा. म्हणजे लाट्या कोरडे पडणार नाहीत

आता यातील एक लाटी घेऊन त्याची पोळी लाटा आणि त्यात सारण भरून कडा घट्ट बंद करून कातणीने कापून घ्या.. त्याचबरोबर एक मोदकही करा कारण करंजी केली की मोदक करायचा आणि मोदक केला की एक करंजी करायची असते. असं शास्त्र आहे. कारण करंजी आणि मोदकाला बहिण-भाऊ समजतात.नंतर तापलेल्या तुपामध्ये मंद आचेवर या करंज्या खरपूस तळून घ्या. अशाप्रकारे सर्व करंज्या तळून घ्या.

तळलेल्या करंज्या गार झाल्या की देवाला नैवेद्य दाखवून एका डिशमध्ये ठेवून सर्व्ह करा.