கோழியை கழுவி சுத்தமாக்கி கொள்ளவும்.

மாங்காயை தோல் சீவி விட்டு நைஸாக சீவி வைக்கவும்.

கடாய் அடுப்பில் வைத்து எண்ணெய் ஊற்றிக் கொள்ளவும்.

எண்ணெய் சூடானதும் வெங்காயம் சேர்க்கவும். மூன்று நிமிடம் வெங்காயத்தை நன்றாக வதக்கி கொள்ளவும்.

இதனுடன் பச்சை மிளகாய் சேர்த்து இரண்டு நிமிடம் வதக்கவும்.

இதனுடன் உப்பு சேர்த்து வதக்கவும்.

இதில் சுத்தம் செய்த சிக்கனை சேர்த்து மூன்று நிமிடம் வதக்கவும்.

இதில் மஞ்சள் தூள் சேர்த்து நன்றாக வதக்கவும்.

இப்போது மிளகாய் தூள் சேர்த்து இரண்டு நிமிடம் நன்றாக வதக்கவும்.

ஒன்றரை கப் தண்ணீர் சேர்த்து நன்றாக மிக்ஸ் பண்ணி மூடி வைத்து வேக வைக்கவும்.

ஐந்து நிமிடம் கழித்து மூடியை திறந்து எல்லாவற்றையும் நன்றாக மிக்ஸ் பண்ணி விட்டு சீவி வைத்திருக்கும் மாங்காயை சேர்த்து நன்றாகக் கிளறி ஐந்து நிமிடம் மூடி வைத்து வேக வைக்கவும்.

மாங்காய் நன்றாக வெந்து குழைந்து கோழியுடன் சேர்ந்து தண்ணீர் வற்றி வரும் போது மல்லித்தழை மிக்ஸ் பண்ணி இறக்கவும்.

வித்தியாசமான சுவையில் மாங்காய் சிக்கன் கறி ரெடி.