முதலில் வாழைப்பூவை நரம்பு எடுத்து நீளமாக வைத்துக்கொள்ளவும். வெங்காயம் குடை மிளகாய் மல்லி ஆகியவற்றை பொடிப் பொடியாக நறுக்கி வைக்கவும். தயிரில் சிறிது உப்பு சேர்த்து கலந்து வைக்கவும். ஒரு கடாயில் எண்ணெய் ஊற்றி காய்ந்ததும் கடுகு உளுத்தம்பருப்பு தாளித்து வெங்காயம் போட்டு வதக்கவும் பிறகு வாழைப்பூவை சேர்த்து வதக்கவும்

அனைத்தும் நன்கு வதங்கியதும் குடை மிளகாய் சிறிது உப்பு சேர்த்து நன்கு வதக்கி அனைத்து வெந்ததும் இறக்கி ஆற விடவும். பிறகு அதை ஒரு பவுலில் மாற்றி கலக்கி வைத்துள்ள தயிரை ஊற்றி மல்லி இலை தூவி பரிமாறவும். சுவையான ஆரோக்கியமான வாழைப்பூ தயிர் பச்சடி தயார். குறிப்பு. வாழைப்பூவை லேசாக கடித்து பார்க்க வேண்டும் மிகவும் துவர்ப்பாக இருந்தால் கொதிக்கிற தண்ணீரில் போட்டு 2 நிமிடம் கழித்து எடுத்து பயன்படுத்தவும்.