முதலில் ஒரு மீடியம் சைஸ் வாழைப்பூவை எடுத்து இதழ்களில் உள்ள நரம்பு மற்றும் தொப்புளை தனியாக எடுத்து விட வேண்டும்.

அரிசி கழுவிய தண்ணீரில் சிறிது புளித்த மோர் விட்டு அதில் காய்ந்த வாழைப்பூவை பொடியாக நறுக்கி போடவும். இப்படி செய்வதால் வாழைப்பூ கருத்துப் போகாது.பொடியாக அரிந்த வாழைப்பூவை மஞ்சள்தூள் அரை ஸ்பூன் சேர்த்து ஒரு ஸ்பூன் சாம்பார்த்தூள் சேர்த்து தேவையான அளவு உப்பு சேர்க்கவும். ஒரு சிறிய டம்ளர் தண்ணீர் சேர்த்து குக்கரில் 2 சவுண்ட் விடவும்.

கால் கப் துவரம் பருப்பை வேக வைத்து எடுத்து வைத்துக் கொள்ளவும். வேக வைத்த வாழைப்பூவை நன்கு தண்ணீர் வடித்து எடுத்து வைத்துக் கொள்ளவும்

ஒரு வாணலியில் ஒரு ஸ்பூன் எண்ணெய் சேர்த்து அதில் கடுகு ஒரு ஸ்பூன், அரை ஸ்பூன் உளுத்தம் பருப்பு, அரை ஸ்பூன் கடலைப்பருப்பு, 3 வரமிளகாயை கிள்ளி தாளிக்கவும். சிறிது கறிவேப்பிலை கிள்ளி அதில் சேர்க்கவும். தாளிப்பு சேர்ந்தவுடன் வேக வைத்த வாழைப்பூவை சேர்க்கவும்.சூடேறும் வரை கிளறி விடவும். பிறகு வெந்த துவரம் பருப்பு தேங்காய் துருவல் சேர்த்து நன்கு மீண்டும் வதக்கி விடவும்.

இப்போது சுவையான, உடல் ஆரோக்கியத்திற்கு உகந்த வாழைப்பூ பொரியல் தயார்.இந்தப் பொரியல் சாதத்துடன் சேர்த்து சாப்பிட மற்றும் தொட்டுக்கொண்டு சாப்பிட சுவையாக இருக்கும். (வாழைப்பூ வடித்த தண்ணீரை வீன் செய்ய வேண்டாம்.அதில் இரண்டு சிறிய வெங்காயம் 2 பூண்டு தட்டிப் போட்டு அரை ஸ்பூன் சீரகம் சேர்த்து மிளகுத்தூள் சேர்த்து கொதிக்க விட்டுசூப்பாக குடிக்கலாம். அல்லது வாய்ப்பு வடித்த தண்ணீரை ஆறவைத்து அதில் மோர் சேர்த்து அப்படியே குடிக்கலாம்.)