ரோஸ்டெட் சேமியா 2 கப் எடுத்து வைக்கவும்.கெட்டி தயிர் 1 கப் எடுத்து வைக்கவும்.கேரட் 1 தோல் சீவி கழுவி துருவி வைக்கவும்.இஞ்சி 1 துண்டு தோல் சீவி துருவி வைக்கவும்.பச்சை மிளகாய் 2 விதை நீக்கி சிறியதாக நறுக்கி வைக்கவும்.கொத்தமல்லி தழை கழுவி பொடியாக நறுக்கி வைக்கவும்.கருவேப்பிலை கழுவி பொடியாக நறுக்கி வைக்கவும்.

கடாயில் ஆயில் 2 டேபிள் ஸ்பூன் விட்டு கடுகு 1 டீஸ்பூன், கடலை பருப்பு 2 டேபிள் ஸ்பூன், கருவேப்பிலை நறுக்கியது, ரோஸ்டெட் சேமியா சேர்த்து பொன்னிறமாக வறுக்கவும்.ஆற விடவும்.தயிரில் துருவிய கேரட், துருவிய இஞ்சி,நறுக்கிய பச்சை மிளகாய்,உப்பு சேர்த்து கலக்கி வைக்கவும்.இந்த தயிரில் ஆறவிட்ட வறுத்த ரோஸ்டெட் சேமியா நறுக்கிய கொத்தமல்லி தழை சேர்த்து கலக்கி விடவும்.10 முதல் 15 நிமிடம் மூடி வைக்கவும்.

15 நிமிடம் கழித்து இட்லி தட்டில் நெய் தடவிய சேமியா கலவையை இட்லியாக ஊற்றவும்.15 நிமிடம் இட்லி தட்டில் ஆவியில் வேக விடவும்.10 நிமிடம் கழித்து ஆற விட்டு இட்லி தட்டிலிருந்து எடுக்கவும்.தயிர்,சட்னி,சைடு டிஷ் ஆக வைத்து சாப்பிடலாம். சுவையான ரோஸ்டெட் சேமியா இட்லி ரெடி.😋😋