இரண்டு பொருட்களை வைத்து சத்தான சுவையான சாஃப்டான பணியாரம்

தேவையான பொருட்களை எடுத்துக் கொள்ளவும். கருப்பட்டியை தூள் செய்து அதை மூழ்கும் அளவு தண்ணீர் சேர்த்து பத்து நிமிடங்கள் ஊற வைக்கவும். அதாவது கரைய விடவும்

இப்போது நன்கு கரைந்திருக்கும் கருப்பட்டியை வடிகட்டி எடுத்துக் கொள்ளவும்

இப்போது வடிகட்டிய கருப்பட்டி தண்ணீரில் கோதுமை மாவைச் சேர்க்கவும்.

ஒரு சிட்டிகை தூள் உப்பு சேர்க்கவும். உப்பு சிறிது சேர்த்தால் இனிப்பு நன்கு எடுத்துக்காட்டும்

கோதுமை மாவு எடுத்த அந்த கப்பில் மீண்டும் ஒரு கப் தண்ணீர் ஊற்றி கோதுமை மாவை நன்கு கட்டிகளில்லாமல் சீராக கரைக்கவும். ஏலக்காய்த்தூள் இருந்தால் கால் டீஸ்பூன் சேர்க்கலாம். இல்லையென்றால் தேவையில்லை.

கெட்டியாக இல்லாமலும் தண்ணியாக இல்லாமலும் மிதமான பதத்தில் மாவு இருக்கவும். இருபது நிமிடங்கள் மூடி வைக்கவும். மாவு சிறிது ஊறினால் பணியாரம் சாஃப்டாக வரும்.

20 நிமிடங்களுக்குப் பிறகு
பணியாரக் கல்லை அடுப்பில் வைக்கவும் காய்ந்ததும் நல்லெண்ணெய் எல்லா குழியிலும் சிறிது சிறிது ஊற்றவும்

இப்போது மாவை எல்லா குழிகளிலும் சிறிது சிறிதாக ஊற்றவும். இப்போது அடுப்பை மிதமான தீயில் வைத்து விடவும்.

அதன் மேலே மீண்டும் ஒரு சில துளிகள் எண்ணெயை சுற்றிலும் விடவும். ஒரு நிமிடத்திற்கு பிறகு ஒரு ஸ்பூனை வைத்து திருப்பி விடவும்.