பாசிப் பருப்பை கழுவி குக்கரில் சிறிது நெய் விட்டு சிவக்க வறுத்து ஒரு கப் தண்ணீர் விட்டு 3 விசில் விட்டு வேக விடவும்

ஒரு கடாயில் ரவாவை மிதமான தீயில் வைத்து வறுக்கவும். பிறகு ஆற விடவும்

இப்போது வெந்த பாசிப்பருப்பை வேறொரு கடாயில் மாற்றி மீண்டும் 1 1/2 கப் தண்ணீர் விட்டு மிதமான தீயில் வைக்கவும். தேவையான அளவு உப்பு சேர்க்கவும். கிளறி விட்டுக்கொண்டே அடிப்பிடிக்காமல்
வைக்கவும்

பருப்பு கொதிவந்ததும் வறுத்த ரவையை எடுத்து மேலே தூவி அதில் சேர்த்து மறு கையால் கிளறிக் கொண்டே இருக்கவும். நன்கு கட்டிகளில்லாமல் சீராக கிளறவும்

வேறொரு அடுப்பில் மற்றொரு கடாயை வைத்து 4 டேபிள்ஸ்பூன் நெய் விட்டு காயவிடவும்.

மிளகு சீரகம் சேர்த்து பச்சை மிளகாயை சேர்த்து வெள்ளையாக மாறும் வரை வதக்கவும்

பிறகு முந்திரி பருப்பு கருவேப்பிலை சேர்த்து நன்கு வதக்கவும்

இப்போது வேகவைத்த பருப்பு ரவா பொங்கலை இந்த தாளிதத்தில் கொட்டி நன்கு கிளறவும். சுவையான ரவா வெண் பொங்கல் ரெடி. தேங்காய் சட்னி, சாம்பார் நல்ல சைட் டிஷ்.