தேவையான பொருட்களை எடுத்துக் கொள்ளவும். வெல்லத்தில் ஒரு கப் தண்ணீர் விட்டு அடுப்பில் வைத்து வெல்லத்தை கரைய விடவும். ஒரு கொதி வந்ததும் ஆறவிடவும்

ஆறியதும் அதனை வடிகட்டி வெல்ல தண்ணீரை எடுத்துக் கொள்ளவும்

ஒரு அகலமான பாத்திரத்தில் ராகி மாவை எடுத்துக் கொள்ளவும். அதனுடன் தேங்காய் பூ ஏலக்காய் தூளை சேர்க்கவும்

ஒரு சிட்டிகை உப்பு சேர்த்து அதை சிறு ஸ்பூனை வைத்து நன்கு கலக்கவும்

இப்போது வடிகட்டிய வெல்ல தண்ணீரை சிறிது சிறிதாக அதனுடன் சேர்த்து மாவாக பிசையவும்

பிறகு இந்த மாவை சிறு சிறு உருண்டைகளாக எடுத்து கொழுக்கட்டைகளாக கைகளில் நன்கு அழுந்த பிடிக்கவும்

எல்லா மாவை சிறு சிறு கொழுக்கட்டைகளாகப் பிடித்து ஒரு தட்டில் வைக்கவும்

இட்லி பாத்திரத்தை அடுப்பில் வைத்து தேவையான அளவு தண்ணீர் ஊற்றி இட்லி தட்டுகளில் கொழுக்கட்டைகளை அடுக்கி வைக்கவும்

இப்போது இதனை வேக விடவும் 15 நிமிடம் அதிகமான தீயில், 10 நிமிடம் மிதமான தீயில் அடுப்பை வைத்து மொத்தம் 25 நிமிடம் வேக விடவும்