சுரைக்காயை கழுவி தோல்
சீவி நறுக்கி வைக்கவும். பெரிய வெங்காயம் 1 தோல் நீக்கி கழுவி பொடியாக நறுக்கி வைக்கவும். 2 தக்காளியை கழுவி பொடியாக நறுக்கி வைக்கவும்.
கசகசா 1 டீஸ்பூன், தேங்காய் துருவல் 3 டேபிள் ஸ்பூன்,10 உடைத்த முந்திரி எடுத்து வைக்கவும்.

தேங்காய் துருவல் முந்திரி கசகசாவை மிக்ஸியில் சேர்த்து நைசாக அரைத்து வைக்கவும்.குக்கரில் 3 டீஸ்பூன் ஆயில் விட்டு 1/2 டீஸ்பூன் சீரகம் தாளித்து, நறுக்கிய வெங்காயத்தை சேர்த்து வதக்கி இஞ்சி பூண்டு விழுது 1 டேபிள்ஸ்பூன் சேர்க்கவும்.

அதில் நறுக்கிய 2 தக்காளியை சேர்த்து வதக்கி மஞ்சள் தூள் 1/4 டீஸ்பூன் உப்பு சேர்த்து நறுக்கிய சுரைக்காயை சேர்க்கவும். மிளகாய்தூள் 1 டீஸ்பூன் சேர்க்கவும்.

தனியாத்தூள் 1 டீஸ்பூன், கரம் மசாலா தூள் 1/2 டீஸ்பூன் சேர்த்து கலக்கி தண்ணீர் சிறிது விட்டு கொதிக்க விடவும்.

அரைத்த விழுதை சேர்த்து கலக்கி விட்டு குக்கரில் இரண்டு விசில் வேகவிடவும்.