துவரம்பருப்பை கழுவி அவை மூழ்கும் அளவு தண்ணீர் ஊற்றி மஞ்சள் தூள் சிறிதளவு பெருங்காயத்தூள் சேர்த்து 4 முதல் 5 விசில் வரை வேகவைக்கவும். படத்தில் காட்டியவாறு காய்கறிகளை நறுக்கிக் கொள்ளவும் ஒரு கடாயில் எண்ணெய் ஊற்றி கடுகு உளுத்தம் பருப்பு கறிவேப்பிலை தாளித்துக் கொள்ளவும்.

அதனுடன் முள்ளங்கியை சேர்த்து சிறிது நேரம் வதக்கி தக்காளி பச்சை மிளகாய் மற்றும் சாம்பார் தூள் மிளகாய்த் தூள் தேவையான அளவு உப்பு சேர்த்து வதக்கிக் கொள்ளவும்.

வதங்கிய பிறகு புளித் தண்ணீர் சேர்த்து நன்கு கொதிக்கவிடவும்.

இப்பொழுது முள்ளங்கி வெந்து பச்சை வாசனை போனபிறகு வேக வைத்து மசித்த துவரம் பருப்பை சேர்த்து நன்கு கிளறி சிறிது நேரம் கொதிக்கவிட்டு கொத்தமல்லி தூவி இறக்கினால் சுவையான மற்றும் கமகமக்கும் வாசனையுடன் மண்பானையில் செய்த துவரம் பருப்பு முள்ளங்கி சாம்பார் தயார்.