படத்தில் காட்டியவாறு காய்கறிகளை நறுக்கிக் கொள்ளவும். ஒரு அகலமான பாத்திரத்தில் நறுக்கிய காய்கறிகள் பொடியாக நறுக்கிய வெங்காயம் பச்சை மிளகாய் உப்பு மைதா மாவு சோள மாவு மற்றும் மிளகுத்தூள் சேர்த்து நன்கு கிளறிக் கொள்ளவும். இதனை ஒரு மிக்ஸி ஜாரில் போட்டு ஒன்னும் பாதியுமாக அரைத்துக் கொள்ளவும்.

இந்த கலவையுடன் மேலும் சிறிதளவு சோளமாவு சேர்த்து நீரில்லாமல் கெட்டியாக பிசைந்து கொள்ளவும். ஒரு கடாயில் எண்ணெய் ஊற்றி காய்ந்ததும் பிசைந்து உள்ள கலவையை சிறு சிறு உருண்டைகளாக பொரித்தெடுக்கவும்.

மிதமான தீயில் வைத்து பொன்னிறமாகப் பொரித்து எடுத்துக் கொள்ளவும். ஒரு அகலமான கடாயில் பட்டர் மற்றும் எண்ணெய் ஊற்றி பொடியாக நறுக்கிய இஞ்சி பூண்டு பச்சை மிளகாய் சேர்த்து நன்கு வதக்கி சதுர வடிவில் நறுக்கிய குடைமிளகாய் மற்றும் வெங்காயத்தை சேர்த்து வதக்கவும்.

இப்பொழுது டொமேட்டோ சாஸ் சில்லி சாஸ் மிளகுத்தூள் தேவையான அளவு உப்பு சேர்த்து வதக்கி கொள்ளவும். இதனுடன் சோள மாவை தண்ணீர் ஊற்றி கரைத்து சேர்க்கவும்.

சிறிதுநேரம் மூடி பச்சை வாசனை போகும் வரை கொதிக்கவிடவும். இப்பொழுது பொரித்து வைத்துள்ள கோஃப்தாக்களை சேர்க்கவும். இதனை 10 நிமிடங்கள் மிதமான தீயில் வைத்து கொதிக்கவிடவும்.

இப்பொழுது கொத்தமல்லி தூவி இறக்கினால் சுவையான மற்றும் சத்தான வெஜ் கோஃப்தா கிரேவி தயார். இதனை ஃப்ரைட் ரைஸ் உடன் சேர்த்து சாப்பிட மிகவும் சுவையாக இருக்கும்.