தேவையான பொருட்களை எடுத்துக் கொள்ளவும். காலிஃப்ளவரை சுடு தண்ணீரில் போட்டு 10 நிமிடம் வேக வைத்து எடுத்து வைத்துக் கொள்ளவும்.

தேங்காய், சோம்பு, பட்டை, கிராம்பு,பொட்டுக்கடலை, கசகசா இவற்றை ஒரு மிக்ஸி ஜாரில் போட்டு அரை டம்ளர் தண்ணீர் ஊற்றி நைசாக அரைத்துக் கொள்ளவும்.

அடுப்பில் ஒரு கடாயை வைத்து இரண்டு ஸ்பூன் எண்ணெய் ஊற்றி எண்ணெய் சூடானதும் பட்டை, கிராம்பு, சோம்பு, கருவேப்பிலை போட்டு தாளிக்கவும். பிறகு பொடியாக நறுக்கிய வெங்காயம், பச்சை மிளகாய் போட்டு வதக்கவும்.

பிறகு பொடியாக நறுக்கிய தக்காளி, மிளகாய்த்தூள், மல்லித்தூள், மஞ்சள்தூள் தேவையான அளவு உப்பு போட்டு ஒரு நிமிடம் வதக்கவும்.பிறகு அரைத்து வைத்த தேங்காய் விழுதை அதில் ஊற்றி ஒரு நிமிடம் வதக்கவும். பிறகு இரண்டு டம்ளர் தண்ணீர் ஊற்றி 5 நிமிடம் கொதிக்க விடவும்.

நன்கு கொதி வந்தவுடன் வேகவைத்த காலிஃப்ளவர் துண்டுகளை அதில் போட்டு ஐந்து நிமிடம் கொதிக்க வைத்து பிறகு கொத்தமல்லி தழை தூவி பரிமாறவும். சுவையான காலிஃப்ளவர் குருமா தயார்.