தேவையான பொருட்களை எடுத்து வைக்கவும்.ஒரு அகலமான பாத்திரத்தில் மைதா மாவைக் கொட்டி உப்பு சர்க்கரை சோடா உப்பு சேர்த்து கலந்து விடவும். நடுவில் குழி போல் செய்து தயிர் பால் சேர்த்து நன்கு கலந்து விட்டு பிசையவும்.

மாவு மிகவும் மென்மையாக பிசைய வேண்டும். தேவைப்பட்டால் சிறிதளவு தண்ணீர் சேர்த்துக் கொள்ளலாம். மாவின் மேல் இரண்டு ஸ்பூன் எண்ணெயை தடவி ஒரு மணி நேரம் மூடி வைக்கவும்.ஒரு மணி நேரம் கழித்து திறந்து பார்த்தால் மாவு பஞ்சு போல் மென்மையாக இருக்கும்.

மறுபடியும் சிறிதளவு மென்மையாக பிசைந்து உருண்டையாக உருட்டி வட்டமாக தேய்த்து சிறிதளவு ஒரு பக்கம் நீளவாக்கில் சப்பாத்தி போல் இழுத்து விடவும். ஒரு சப்பாத்தியை கையில் எடுத்து ஒரு புறம் சிறிதளவு நீர் தடவி தோசைக்கல்லில் போடவும். ஒரு நிமிடம் கழித்து திருப்பி அடுப்பில் லேசாக காட்டவும் உப்பி வரும் ஆயில் அல்லது நெய் ஒரு ஸ்பூன் விடவும். அடுப்பு சிம்மில் இருக்கட்டும். இருபுறமும் திருப்பிப் போட்டு நன்கு வேகவிட்டு சாப்டாக எடுக்கவும். மென்மையான நான் தயார்.