பச்சைபயிர் மிளகு ரசம்🥗

பச்சை பயறு மிளகு ரசம் செய்ய முதலில் தேவையான பொருட்களை எடுத்து வைத்துக் கொள்ளவும். புளியை ஊற வைத்துக் கொள்ளவும்.

பச்சைப் பயிருடன் ஒரு தக்காளி சேர்த்து மண்சட்டியில் அல்லது குக்கரில் வேக விட்டு,பின் அந்த தண்ணீரை மட்டும் வேறு பாத்திரத்தில் வடித்து எடுத்து வைத்துக் கொள்ளவும்.

ஊறவைத்த புளியை கரைத்து பின் வடிகட்டி எடுத்து வைத்துள்ள பருப்பு தண்ணீரில் ஊற்றி கலக்கவும்.

பின் அந்த புளி தண்ணீரில் ஒரு பச்சை தக்காளியை போட்டு கையில் நன்கு கரைத்து விட்டு எடுத்து வைத்துக் கொள்ளவும்.

பின் கடாயில் எண்ணெய் ஊற்றாமல் கொத்தமல்லி, சீரகம், மிளகு, வரமிளகாய், பூண்டு, கறிவேப்பிலை அனைத்தையும் பொன்னிறமாக வதக்கி எடுத்து, பின் மிக்ஸி ஜாரில் போட்டு தண்ணீர் ஊற்றாமல் கொரகொரப்பாக அரைத்து எடுத்துக் கொள்ளவும்.

பின் கடாயில் எண்ணெய் ஊற்றி கடுகு, சிறிய கட்டி பெருங்காயம், கறிவேப்பிலை போட்டு தாளித்து விடவும். அதனுடன் கரைத்து வைத்துள்ள புளி கலவையை சேர்க்கவும். பின் கொரகொரப்பாக அரைத்து வைத்துள்ள கொத்தமல்லி, மிளகு, சீரகம் கலவைகளை அதனுடன் கடாயில் சேர்த்து கலக்கி விடவும்.

பின் ரசத்திற்கு தேவையான அளவு தண்ணீர் ஊற்றி அதனுடன் உப்பு சேர்த்து அனைத்தையும் நன்கு கலக்கி விடவும்.

ரசன் நன்கு நுரை கட்டி வந்தவுடன் ஒரு கொதிவிட்டு இறக்கவும்.