அடுப்பில்லாமல் உடனடியாக செய்த கேக்(Firefree Instant Cake)

முதலில் 12 பிரட் துண்டுகள் எடுத்துக் கொள்ளவும். ஓரங்களை மட்டும் தனியே வெட்டி எடுக்கவும். பிறகு க்ரீம் பிஸ்கட் க்ரீமை தனியே பிரித்து எடுத்து வைக்கவும். (சாக்லேட் ஃப்ளேவர் மற்றும் வெள்ளை கிரீம் கொண்ட எந்த பிஸ்கட் வேண்டுமென்றாலும் எடுத்துக் கொள்ளலாம்)

ஒரு பாத்திரத்தில் 3 டேபிள்ஸ்பூன் சர்க்கரை, சிறிதளவு தண்ணீர் சேர்த்து நன்றாக கரையும் வரை கலந்து வைக்கவும். பிஸ்கட் கிரீமில் நான்கு துண்டுகளை மட்டும் தனியே(அலங்கரிக்க) எடுத்து வைக்கவும்.

மீதமுள்ள கிரீமில் ஒரு டேபிள் ஸ்பூன் பால் சேர்த்து நன்றாக கலந்து வைக்கவும்.

பிறகு எட்டு பிரட் துண்டுகளை மட்டும், ஒரு பக்கத்தை வட்ட வடிவமாக (படத்தில் காட்டியவாறு) வெட்டி எடுக்கவும். மற்ற நான்கு துண்டுகள் சதுர வடிவமாகவே இருக்கட்டும்.

பிஸ்கட்களை மிக்ஸி ஜாரில் பவுடர் செய்து, சிறிது சிறிதாக பால் சேர்த்து, நன்றாக க்ரீம் பதத்திற்கு கொண்டு வரவும்.

பிறகு கேக் செய்யும் பிளேட்டில் நடுவே இந்த கிரீமை சிறிதளவு தடவவும். அதன்மேல் நாம் வெட்டி வைத்த பிரட் துண்டுகளில் சதுர வடிவத்தை நடுவே வைத்து வட்ட வடிவங்களை இரு ஓரங்களிலும் வைக்கவும். அதன் மேல் நாம் தயார் செய்து வைத்த சர்க்கரை சிரப்பை நன்றாக ஊறும் படி தடவவும். (இதனால் பிரட் சாஃப்டாக இருக்கும்)

பிறகு அதன் மேல் நாம் செய்து வைத்த சாக்லேட் கிரீமை நன்றாக தடவவும். இதேப் போல் மீண்டும் பிரெட் துண்டுகள் அடுக்கி சர்க்கரை சிரப் தடவி, மொத்தமாக நான்கு அடுக்குகள் வருமாறு தயார் செய்யவும்..

எல்லா ஓரங்களிலும் படும்படி சாக்லேட் க்ரீமை ஒன்றுபோல் தடவி 30 நிமிடங்களுக்கு, செட் ஆவதற்காக பிரிட்ஜில் வைக்கவும். பிறகு நாம் செய்து வைத்திருந்த வெள்ளை க்ரீமை பைப்பிங் பேக்கில் போட்டு அலங்கரிக்கவும்.

முதலில் தனியே எடுத்து வைத்த 4 துண்டு வெள்ளை கிரீமையும் இதில் சுற்றி வைத்து, பூ போன்று அலங்கரித்து பரிமாறவும்.
அடுப்பே இல்லாமல் உடனடியாக செய்த சுவையான கேக் ரெடி 😋😋😋