அடுப்பில் கடாயை வைத்து சூடானதும் இரண்டு சொட்டு எண்ணெய் சேர்த்து கடலைப்பருப்பை மிதமான தீயில் பொன்னிறமாக வறுத்து எடுக்கவும். அடுத்தது இரண்டு சொட்டு எண்ணெய் சேர்த்து உளுத்தம்பருப்பை வறுத்து ஒரு தட்டில் அடுக்கவும். பிறகு பொட்டுக்கடலையை எண்ணெய் இல்லாமல் வறுத்து எடுக்கவும்.

அரிசியை சேர்த்து பொரிந்தவுடன் ஒரு தட்டில் மாற்றவும். அதற்குப் பிறகு வெள்ளை எள் சேர்த்து மிதமான தீயில் வறுத்து எடுக்கவும். பிறகு மிளகு மற்றும் சீரகத்தை வறுத்து எடுக்கவும்.

கால் தேக்கரண்டி எண்ணெய் சேர்த்து இதில் மிளகாயை வறுத்து எடுக்கவும். இரண்டு சொட்டு எண்ணெய் சேர்த்து தோலுடன் கூடிய பூண்டை வறுக்கவும் கூடவே பெருங்காயப் பொடி கருவேப்பிலை உப்பு சேர்த்து வறுத்து தட்டில் மாற்றி வைக்கவும்.

வறுத்த அனைத்தும் ஆறிய பிறகு மிக்ஸி ஜாரில் முதலில் மிளகாய் பெருங்காயம் கருவேப்பிலை உப்பு சேர்த்து அரைக்கவும். பிறகு இதில் மீதமுள்ள பொருட்களை சேர்த்து விருப்பப்படி நைசாக அல்லது கொரகொரப்பாக அரைத்துக் கொள்ளவும். ஆரோக்கியம் மற்றும் சுவை மிகுந்த இட்லி பொடி தயார்.