*மாங்காய் ரசம்*

தேவையான பொருட்களை தயாராக எடுத்து வைத்துக் கொள்ளவும்.

மாங்காயை சுத்தம் செய்து, தோலை சீவி, பெரிய துண்டுகளாக நறுக்கி தண்ணீரில் போட்டு, 5 நிமிடம் வெந்ததும் தட்டில் ஆறவிடவும்.

அடுப்பை மிதமான தீயில் வைத்து, குக்கரில், து.பருப்பு, 1/2 டீ ஸ்பூன் ம.தூள், உப்பு, தண்ணீர் சேர்த்து குழைய வேக வைத்துக் கொள்ளவும்.

மிக்ஸி ஜாரில், பூண்டு, ப.மிளகாய், மிளகு, சீரகம் சேர்த்து கொரகொரப்பாக அரைத்துக் கொள்ளவும்.

வெந்த மாங்காயுடன், வேகவைத்த து.பருப்பில், 2 டேபிள் ஸ்பூன் சேர்த்து நன்கு அரைக்கவும்.

அடுப்பை மிதமான தீயில் வைத்து, குக்கரில், நெய், எண்ணெய் தலா 1 ஸ்பூன் விட்டு சூடானதும், கடுகு, மிளகாய் தாளித்ததும், கொரகொரப்பாக அரைத்த விழுது, 1/2 டீ ஸ்பூன் ம.தூள், உப்பு சேர்த்து நன்கு வதக்கவும்.

பிறகு, மாங்காய் விழுது, தண்ணீர் சேர்த்து 2 நிமிடம் கொதிக்க விடவும்.

கொதித்ததும், மீதமுள்ள வெந்த 2டேபிள் ஸ்பூன் து.பருப்பை சேர்த்து ஒரு பொங்கு வந்ததும் அடுப்பை நிறுத்தி விடவும். மேலே, பெருங்காயத்தூள், கறிவேப்பிலை, கொத்தமல்லி தழை சேர்த்து, ஒன்று சேர கலந்து இறக்கவும்.

குறிப்பு:- இதற்கு, தக்காளி, புளி தேவையில்லை. சூடான சாதத்தில், இந்த ரசத்தை ஊற்றி, நெய் விட்டு, பொரித்த, சுட்ட அப்பளம், வடகத்துடன், சாப்பிட மிகவும் அட்டகாசமாக இருக்கும்.