சாதத்தை உதிரியாக வடித்து வைத்துக்கொள்ளவும்.

கடாயை ஸ்டவ்வில் வைத்து எண்ணை ஊற்றி சூடானதும், கடுகு, கடலை பருப்பு, வேர்க்கடலை சேர்த்து வதக்கி, நன்கு பொரிந்ததும், பச்சை மிளகாய், இஞ்சி, கறிவேப்பிலை, வற்றல் மிளகாய் சேர்த்து நன்கு வதக்கவும்.

பின்னர் தயாராக வைத்துள்ள மாங்காய் துருவல், மஞ்சள் தூள், உப்பு சேர்த்து பச்சை வாசம் போகும் வரை வதக்கவும்.

பின் தயாராக வைத்துள்ள சாதத்தை சேர்த்து கலந்து, கடைசியாக நறுக்கி வைத்துள்ள மல்லி இலை சேர்த்து நன்கு கலந்து இறக்கினால் மாங்காய் சாதம் தயார்.