بنغسل اللحمة بمي باردة وملح و شوية خل ، وبنحطها بطنجرة وبنسلقها لحد ما تغلي وبنشيل الرغوة اللي بتطلع ، و بعد الغليان بنكب المي وبنغسل اللحمة مرة تانية و بنغسل الطنجرة ، وبنرجع نحطها بالطنجرة وبنغمرها بمي باردة او فاترة وبنحط ورق غار و هيك ورشة ملح ورشة فلفل اسود وبنتركها ساعة ، ساعتين (عبين ما تستوي)

بنجهز اللبن ، بطنجرة بتحط اللبن الرايب ولبن الجميد السائل وكاسة / كاسة ونص مرقة لحمة ، وبنحرك لحد ما يغلي.. بعد ما يغلي بنحط قطع اللحمة عليه وبنتركه شوي وبعدها بنطفي عليه وبنجهز الرز

الرز ، بنحط شوية زيت بالطنجرة وبنحرك الرز فيه و بنحط بطرف المعلقة كركم (حتى يعطي اللون الاصفر) ورشة ملح وبنحرك و بنغمره مي مغلي وبنتركه ليشرب المي