اولا نحضر العجينة: نخلط الفرينة والملح ونضيف مغرف صغيرة لافاني وحبة بيض ونخلط نضيف نصف كاس مرغرين توريق ذايبة و نصف كاس سمن ذايب ونلمهم بكاس ماء وماءزهر ونحطها ترتاح نصف ساعة

نحظر الحشو: اربع كيسان كوكاو وكاس سكر و القرفة و لافاني نخلطهم مع بعض نظيفلهم ماء زهر نرش فقط مازمش يتعجنلكم

نقسم العجينة على خمسة كريات متساوية نبدا نحل بالوحدة رقيقة ونطوي بالمايزينة على ثلاثة ونحلها مليح ونحطها فالمول وندهن بمزيج سمن ذايب ومرغرين ذايبة وبنفس طريقة نحل العجينة ثانية ماندريش سمن

وبعدها نفرغ الحشو ونحل العجينة ثالثة وندهن بمزيج سمن ذايب ومرغرين توريق ذايبة والعجينة رابعة وندهن اما بالنسبة العجينة الخامسة نحلها رقيقة بلا ما نستعمل المايزينة وبدون طوي نحطها ونطراسي بالمسطرة ونقص نحي زوائد ونشكل منهم صدفات ونرشقهم بالوز وندهن السطح البقلاوة بسمن ذايب وحدوا فقط ونخليها ترتاح ربع ساعة