في طنجره الطبخ نشتغل
في البدايه نحتاج إلى كميةمن الزيت النباتي ثم نضع الجزر المبروش ونقليه مع الزيت اول ما اشوفه تذبل بشيل تقريبا ملعقتين كبار حتى احطهن على الدجاج عند السلق ثم نضع الزبيب المنقوع على الجزر بنقلبهم مع بعض واول ما بشوف الزبيب بلش يستوي بصفي الزبيب والجوز من الزيت منيح

بنفس الزيت رح احط البصل المفروم ناعم واذا الزيت قليل بنزيده شوي بنقلب البصل مع الزيت طبعاً رح يعطي الجزر لون للبصل بنقلبهم كثير منيح ورح نزل الكمون الحب بيعطي نكهه طيبه للبخاري ثم نضع اللومي و ورق الغار والقرفه العيدان وبرجع بنقلبهم

بعد هيك رح احط الكمون المطحون والكزبره والبهارات المشكله بنقلبهم منيح
(الكمون هو مكون اساسي بالوصه بيعطي نكهه كثير طيبه للرز البخاري)

رح نزل الدجاج وبنقلب كثير مع البصل حتى يتنكهه من البصل والبهارات طبعاً الغاز بيكون خفيف نستمر بالتقليب

بنزل البندورة المفرومه على الفرامه مخلوطين بملعقه معجون طماطم (معجون الطماطم حسب لون البندورة الي عندكم)
بنقلب الدجاج مع الخلطه كثير منيح ثم نضيف الملح والماء المغلي وبغطي الطنجره وبعلي الغاز اشوي وبترك الدجاج يستوي تماما
قبل مايسوى الدجاج ب ١٠ دقائق بحط الجزر الي شلناه في البدايه وبرجع بحط كميةمن الجزر والزبيب الي قليناه

الكميةالي ظلت من الجزر والزبيب رح حطهم على وجه الرز

بعد ما يستوي الدجاج بنشيله وبندهنه بخلطه التحمير على الجهتين وبندخله تحت الشوايه

رح اشيل ورق الغار والقرفه من المرقه نضيف عليه الملح وبنحط الرز بيكون على نار هادئه وال ما بشوف الي نزلت على الرز بخفف الغاز وبغطي الطنجره
بحط الجزر والزبيب على وجه الطنجره
وبنتركه حتى يتشرب تماما

يقدم مع الدقوس او السلطه
او خيار مع للبن

وصحتين وعوافي