હવે,કઢાઈ માં ૩ ચમચી ઘી ગરમ કરી તેમાં ગુંદર ને ખાંડી ને થોડો થોડો ઉમેરી ને સરસ તળી લો, પછી વાટકી ના પાછળના ભાગે થી સરસ ક્રશ કરી લો ને ડીશમાં કાઢી લો.

કઢાઈ માં ૧ ચમચી ઘી ગરમ કરી ને બદામ અને કાજુ ને સોનેરી બદામી રંગ થાય ત્યાં સુધી સાંતળી લો ને ખાંયણી માં કૂટી લો ને બાજુ પર રાખો.

૨ ચમચી મગજતરી ના બીજ અને ૨ ચમચી ખસખસ ને પણ કોરા શેકી લો, પછી સૂકી નારીયેળ ની કાચલી ને ખમણી ને બનાવેલાં ખમણ અને કટકાં ને થોડું ઘી મૂકી સાંતળો ને અલગ રાખો.

હવે,પેન કે કઢાઈ માં ૩ ચમચી ઘી લો ને તેમાં ખજૂર ઉમેરી ને મધ્યમ થી ધીમી આંચ પર સાંતળો, ખજૂર નરમ થાય અને ઘી છુટું પડવા લાગશે એટલે ગેસ બંધ કરી ને ખજૂર ને તવેતા થી સાંતળો પછી એમાં બદામ-કાજુ નો ભૂકો, ખસખસ- મગજતરી ના બીજ, નારીયેળ નું છીણ,કટકાં, ગુંદર,ઈલાયચી પાઉડર સૂંઠ અને ગંઠોડા પાઉડર ઉમેરી દો ને છેલ્લે ૧ ચમચી દળેલી સાકર ઉમેરી ને બધું જ સરસ ભેળવી લો ને ચોકી કે પ્લેટ માં ઘી લગાવી ને મિશ્રણ ને ઠાલવી ને સરસ પહોળું કરી ને ૨ કલાક ઠરવા દો.

૨ કલાક પછી મનગમતાં આકાર ના કાપા પાડીને રાખી લો.