સૌપ્રથમ ગાજર વટાણા ફ્લાવર ને ઉકળતા ગરમ પાણીમાં મીઠું નાખી પાંચથી દસ મિનિટ ઢાંકી બ્લાંચ કરી લો.દહીંમાં ચણાનો લોટ અને પાણી ઉમેરી બરાબર મિક્સ કરી કઢીનો બેઝ તૈયાર કરી લો.

હવે એક કડાઈમાં તેલ ગરમ મૂકી તેમાં હિંગ લીલું મરચું ડુંગળી ઉમેરી બે મિનિટ સાંતળી લો. ત્યારબાદ બ્લાન્ચ કરેલા શાકભાજી ઉમેરી એક મિનિટ માટે ચડવા દો. પછી તેમાં આદુની પેસ્ટ,હળદર તૈયાર કરેલ કઢીનો બેઝ ઉમેરી 10 થી 12 મિનિટ ધીમા તાપે ઉકળવા દો કઢી તૈયાર થાય એટલે તેમાં સ્વાદ અનુસાર મીઠું ઉમેરી ગેસ બંધ કરી દો.

હવે એક વઘારીયામાં બે ચમચી ઘી ગરમ કરી તેમાં રાઈ મીઠો લીમડો સૂકા લાલ મરચા, હિંગ અને કાશ્મીરી લાલ મરચા નો વઘાર તૈયાર કરી તૈયાર કરેલ કઢી ઉપર રેડી દો. ત્યારબાદ તેમાં સહેજ ગરમ મસાલો અને કોથમીર છાંટી બરાબર મિક્સ કરી ગરમ સર્વ કરો.