સૌ પ્રથમ સફેદ અને કાળા તલ ને એક કડાઈ માં શેકી લો. બહુ લાલ નહિ સેકવાના અને કાચા ના લાગે એ પણ જોવાનું. હવે એજ કડાઈ માં ઘી નાખી એમાં ગોળ ને ઉમેરી ને ધીમા તાપે હલાવાનું. પ્લેટફોર્મ પર કે જેમાં ચીક્કી ઢાળવી હોય એ પ્લેટ માં થોડું તેલ લગાવી લેવું જેથી ચીક્કી ચોંટી ન જાય.

ગોળ ફોરો થઇ જાય એટલે કે ધ્યાન રહે કે પાયો બરોબર થયો છે કે નહિ તે વાટકી માં એક ટીપું લઇ ચેક કરી લેવું.એની પાઇ થઇ જાય ત્યારે બંને તલ ને ધીરે રહીને ઉમેરી બરાબર મિક્સ કરી ને હલાવું. હવે ગેસ બંધ કરી થોડી થોડી માત્રા માં લઇ ને પાતળી ચીક્કી વાણી લેવી અથવા વાટકા વડે દબાવી ને એને ઢાળી લેવી. ધ્યાન રહે એ સૌ ગરમ પણ ના હોય અને ઠંડી પણ ના થવી જોયે બાકી એ વણી નહીં શકાય.

ચીકી વણાઈ જાય એટલે કાતર કે ચાકુ વડે કાપા પાડી લેવા. સહેજ ઠરે એટલે ચીક્કી ને ડબ્બા માં ભરી લેવી. અગર વાતાવરણ માં જરા પણ ભેજ હશે તો ચીક્કી ચોંટી જશે એટલે એને પ્રોપર મેથડ અને હવામાન જોઈ ને જ બનાવી.