ચોખાને ૩ થી ૪ વખત પાણીમાં ધોઈ લો અને વધારાનું પાણી કાઢી લો. કૂકરમાં ચોખા, ૨ કપ પાણી અને મીઠું ઉમેરીને મિક્સ કરી લો. કૂકરને ઢાંકણ વડે બંધ કરીને ૩ સીટી વગાડી લો. ભાતને ઠંડા થવા દો.

એક વઘારીયામાં તેલ ગરમ કરો. તેમાં રાઈ અને જીરું ઉમેરો. તતડવા લાગે, ત્યારે ચણાની દાળ, અડદની દાળ ઉમેરો અને દાળ ગોલ્ડન બ્રાઉન થાય ત્યાં સુધી સાંતળો.

પછી તેમાં સૂકા લાલ મરચા, લીલા મરચા, આદુ, લીમડો, કાજુ અને હિંગ ઉમેરીને એક મિનિટ માટે સાંતળો. ફ્લેમ બંધ કરીને વઘાર ઠંડો થવા દો.

એક બાઉલમાં ભાત, દહીં અને મલાઈ ઉમેરીને બઘું જ ચમચાની મદદથી સ્મેશ કરી લો.

પછી તેમાં મીઠું, ખાંડ અને કાકડી ઉમેરીને હલાવી લો.

હવે, તેના પર તૈયાર કરેલ વઘાર, કોથમીર અને દાડમના દાણા ઉમેરીને બરાબર મિક્સ કરો.

તો કર્ડ રાઈસ તૈયાર છે.

તેની ઉપર દાડમના દાણા અને કોથમીરથી ગાર્નિશ કરીને પીરસો.