بعد تقطيع الكوسا لشرايح منقليا بزيت نباتي ليشقر لونا وبعدين منبلش نقطع البصل والفليفلة لجوانح

بمقلاية غميقة على النار منضيف اللحمة والدهنة اول ماتبلش تذوب الدهنة وتستوي اللحمة منضيف البصل منقلب ليدبل ومنضيف الفليفلة والتوابل منقلب ليستوو ومنشيلن على صحن لوقت نحتاجن

بنفس المقلاية اللي حمسنا فيها اللحمة منضيف ملعقة السمنة والثوم المهروس منقلب لتطلع ريحة الثوم منضيف عصير البندورة ودبس البندورة ودبس الفليفلة ومنقلب وممضيف كوب الماء ومنتركن يغلو ويتسبكو شوي

بطنجرة تانية منبلش نطبق طبقة شرايح كوسا وفوقا طبقة اللحمة ومنكرر لتخلص الكمية ومنضيف فوقا صلصلة البندورة اللي سبكناها ومامنحرك ابدا منغطيا وعلى نار وسط منخليا تغلي لتستوي على الاخر

بتتقدم مع رز بشعيرية او مع خبز وعوافي ومية هنا🌷🌸