في المرحلة الأولى نأخذ طنجرة نضع فيها بصلة مشلظة واحدة و الزيت و حبة طماطم محكوكة و نقليوهم جيدا مع الدجاج بعدما غسلناه مزيان ثم نضيف له ملعقةص غير مملوءة من الملح نحرك جيدا ثم نضيف قليل من الإبزار و الخرقوم و الزعفران ثم الزنجبيل و نحرك ثم نضيف قليل من السمن الحار و نضيف الماء تقريبا لتر و نخليوه يطيب جيدا و نخليوه على جنب

في المرحلة الثانية نأخد البرمة نضع فيها ملعقة زيت زيتون و بصلة هلاليات ثم نضيف الحمص و نقليهم جيدا ثم نروي بالماء تقريبا لتر و نضع التوابل الملح والإبزار والزنجبيل و قليل من السمن ثم الزعفران و الخرقوم و نخليوها تغلى و نضيف الجزر و اللفت وليشو وربطة من القزبر والمعدنوس ثم الخرشف و الفول و نخليوهم يطيبو مزيان

نمر للكسكس نصبه في قصعة نضيف له ملعقتين زيت و نبسبسه ثم نضعه في الكسكاس يفور التفويرة الأولى و بعدها نصبه في القصعة و نضيف له نصف لتر ماء تدريجيا و الملح حسب الذوق و نخليوه عشر دقائق يشرب الماء ثم نضيف له ملعقتين زيت نباتي و نفتلوه جيدا ثم نصبه في الكسكاس يفور للمرة الثانية و في هاته الأثناء نضيف للبرمة القرع الأحمر و الأخضر و البطاطا ثم حبة طماطم محكوكة و مركز الطماطم و قليل من السمن و نغلق و نخليو الكل يطيب

بعدما يفور الكسكس نصبه في القصعة و نضيف له تدريجيا ربع لتر ماء و نفتلوه جيدا نخليوه يشرب لمدة عشر دقايق ثم نضيف له ملعقة واحدة زيت و نعملوه يفور للمرة الثالثة و لكن قبل نضيف الفلفل مزاود للخضر و كذلك الصوص ديال الدجاج باش يرجع بنين أكثر و كذلك نأخد قطعة من القرع الأحمر نطحنها مع شوية من المرق و نضيفو غتحصلو على كسكس هايل كحمق

بعدما يفور للمرة الثالثة نصبوه في القصعة و نضيف ليه ملعقة ص سمن و نكسكس مزيان و نجيب البرمة و نبدا نسقي في الكسكس اللي ألذ منو ما كاين بالصحة و الراحة😋👍👌