બીટને છોલીને સમારીને કૂકરમાં પાણી નાખી 1-2 સીટી લગાવીને બાફી લો. પછી મિકસરના જાર મા બારીક વાટીને પ્યુરી બનાવી લો.

કાથરોટમા મેંદો, તેલ અને મીઠું મિક્સ કરી બીટની પયુરીથી કઠણ લોટ બાંધી લો.તૈયાર છે પિન્ક કણક 10-15 મિનિટ માટે ઢાંકીને મુકો.

5 કલાક પલાળેલી મગની દાળમાંથી વધારાનું પાણી કાઢી, મિકસરના જારમા અડધકચરી વાટી લો.

એક પેનમાં તેલ ગરમ કરી, જીરૂ, હિંગ નું વાગાર કરી બેસન ઉમેરીને મધ્યમ આંચે 2 મિનિટ સાંતળી, વરિયાળી, દણાજીરું, લાલ મરચું, ગરમ મસાલો અને આમચુર પાઉડર ઉમેરી બરાબર મિક્સ કરો.

ત્યાર બાદ અડધકચરી વાટેલી મગની દાળ ઉમેરી મિક્સ કરી,5 મિનિટ ધીમી આંચે ઢાંકણથી ઢાંકીને પકાવીને ગેસ બંધ કરી દો. તૈયાર છે સ્ટફિન્ગ, સ્ટફિન્ગમાંથી નાના બોલ્સ બનાવી દો. (જો બોલ્સ ના બંધાય તો 1 ટેબ્લેસ્પૂન પાણી મિક્સ કરી સ્ટફિન્ગના બોલ્સ બની જશે)

બાંધેલા કણકમાંથી નાના લુઆ કરી એક લુઆમાંથી પૂરી વણીને વચ્ચે પુરણમાંથી તૈયાર કરેલ એક ગોળો મૂકી પૂરીને બંધ કરી ગોળ કચોરીનો આકાર હાથ વડે જ દબાવીને આપો અથવા વેલણ વડે સહેજ હળવા હાથે પૂરી વણી લો.

કચોરીની કિનારી સહેજ હળવા હાથે દબાવીને પાતળી કરવી જેથી કચોરી તળતી વખતે ફૂલે.

એક પેનમાં તેલ ગરમ કરી વણેલી કચોરીને એક એક કરીને નાખી ધીમી આંચે તળવા મૂકો, જયારે કચોરી ફૂલીને ઉપર આવે ત્યારબાદ બીજી બાજુ પલટાવીને કચોરીને સોનેરી રંગની તળી લો અથવા ફ્રાય કરો.કચોરીને ટીશ્યું પેપર મુકેલી પ્લેટમાં બધી ફ્રાય કરેલ કચોરી કાઢી લો.

સર્વિગ પ્લેટમાં ફ્રાય કરેલી પિન્ક કચોરી ગોઠવી, કાચોરીમાં સહેજ કાણુ પાડીને દહીં ની ચટણી, કોથમીર ચટણી, આમલીની ચટણી, સમારેલા ટામેટા અને ડુંગળી નાખી, ઝીણી નાયલોન સેવથી ગાર્નીશિંગ કરીને સર્વ કરો.

તૈયાર છે બીટની કચોરી એટલે કે પિન્ક ખસ્તા કચોરી,ગરમાગરમ સર્વ કરો.