ترحي البصل وطماطم مع الثوم الدجاج او اللحم يتقلاو وضيفي الملح والتوابل

ومبعد تمرقي وتلوحي الحمص في الماء بارد وتزيدي زرودية وتسكري على الكوكوطة كي يعود دجاج تخليها 10 دقائق ولا 15 وكي يعود لحم تخليها 20 دقيقة

ومبعد تشمخي التليتلي تاعك بزيت برك ودريه يفور كي يفور دريه في كسرونة وتعمريه بالماء وشويا ملح حتى يولي طري نقطروه من الماء ونديروه يفور

كي يفور تكون مرقتنا واجدة نديرو التليتلي في بوبيطة ولا اي حاجة غاسية وتبداي تسقي التليتلي تاعك حتى يشرب المرقة

وتقدميه معا فلفل مقلي حار وزبدة وبيض وحشيش