حطيت الحليب بطنجرة وحطيتها على النار لما دفي شوية الحليب طفيت النار ، ذوبت كيس منفحة الخاص بالجبنة بقليل من الماء وبضيفها للحليب وبحرك حوالي خمس مرات وبغطي الحليب وبتركه ساعة

بعد الساعة بكون جمد الحليب وصار مي حواليه ،وبجيب مصفاية مسطحة وبحط فيها قطعة شاش وبحطها فوق جاط وبسكب طنجرة الحليب فيها وبغطيها بالشاش وبحط اي ثقل فوقها وبتركها شي ساعة لحتى تنزل كل المي اللي فيها

هلا نيجي للمي اللي نزلت من الجبنة ،ما بنكبها بنملحها شوية وبنحط فيها مستكة ومحلب وبنحط قطع الجبنة فيها وبنتركها لحتى تاخد طعم المستكة والمحلب ،وهيك بتكون جاهزة للأكل وبالعافية

بحطها بصينية او لوح خشب وبقطعها وبرشها ملح وحبة البركة