نخلط السميد والطحين والسكر ودقة الكعك والمحلب والشومر والبيكنج باودر وبنضيف السمن وبنبس السميد يعني بنفركه باليد وبنغطيه وبنتركه ليلة كاملة وخلال الفترة بنبسه (بنفركه)

بنجهز حشوة التمر نضيف العجوة ودقة الكعك والقرفة وزيت ونعجنها جيدا ونكور كرات ونغطيها جيداً حتى وقت الاستخدام

ثاني يوم بنضيف ماء اليانسون وبنبسه (بنفركه) وبعدين بنضيف الحليب بالتدريج وبنعجن العجين لحتى نشوفها بدات تتماسك لحتى نقدر نشكلها وبنغطيها ترتاح عشر دقايق

نكور العجين ونحشيه بالعجوة ونشكله بالقالب الخاص به

نضعه في صواني مغطية بورق زبدة او مدهونة القليل من الزيت ونضعه في الفرن ع نار وسط حتى تستوي

نتركه يبرد تماما في الصواني ونزينه سكر مطحون حسب الرغبة ونحفظه بعلب محكمة الاغلاق