بنسلق الدجاج مع البصلة والبهارات

بنقطع البصل لمربعات وبنحطهم بطنجره على النار.. عنار واطيه وبنضل نقلب فيهم ليدبلو.. بس ما يدبلو كتير ويدوبو

بس يدبلو بندير فوقهم زيت الزيتون وبنطفي تحتهم وبنرش عليهم سماق وملح وبنحركهم

بعدها بنجيب اول خبزة منطويها من النص عمرتين بتسير عشكل مثلث بنحط اطرافها بالزيت والبصل وبنفردهم بالجاط وبنحط عليهم بصل وزيت وبنوزعو عكل الكماجه وبنرش سماق وبنحط لوز وهيك بنضل نعمل طبقات ليخلصو الخبزات

والجاج بس نسلقو بننشلو من المي تبعتو وبنحطو بصواني وبنحط عليه شوي من الزيت والبصل وبنرش عليه بهار وملح وبنشويه ليتحمر ويسير باللون المطلوب وبنحطو عوج المسخن وبنقدم حدو شوربة الفريكة وصحه وهنا