بنظف الدجاج من الجلد وبنغسله.

بنضيف جميع البهارات السابقة وهي،ملح،فلفل اسمر، اكليل الجبل ،الزعتر الناشف،الزعفران،الثوم المهروس وكمان بنضيف عصير ليمونة.

بالوقت هاد بنحضر صوص الزعفران الى هو ،ملعقه زيت ،عصير نصف كوب ليمون،ملعقه كبيرة زعفران،ملعقه فلفل اسود وملعقه زنجبيل وربع ملعقة هيل،ربع كوب ماء،بنتركهم يغلو مع بعض خمس دقائق وهيك بيكون الصوص جاهز.

بنجيب مقلاة وبنحط قطع الدجاج فيها ل حتى تتحمر وتوصل مرحلة انها استوت،بنقلبها على الجهة الثانية،لحتى تتحمر وتكون جاهزة. بفضل انها تكون مقلاة تيفال حتى مانحتاج انه نحط زيت ،هيك بيكون صحى اكتر.

في صحن التقديم ،بنحط الدجاج وبنسكب عليها الصوص وهيك بتكون جاهزة.وكتير زاكية وطعهما بيجنن. يفضل ب نفس المقلاه الى عملنا فيها الدجاج نحط الصوص ثلاث دقائق حتى ياخذ نكهة من تتبيله الدجاج.

ملاحظة. بالنسبه ل مقادير البهارات الى ماذكرتهم هدول حسب كميه الدجاج يعني نظريا بيكون اي مكون من الى مو مذكور من ملعقة صغيرة ل ملعقة كبيرة.

بالنسبة ل شو راح ناكل جمبه.هاد حسب الرغبة.بس انا بقطع كوسا وجزر وبقطعهم اصابع وبتبلهم ب فلفل احمر وزعتر ناشف وكزبرة مطحونة وثوم وملعقة خل وبتركهم تقريبا نص ساعة وبحطهم بالفرن لحتى احسهم تحمصو.وبتقدم جمب الدجاج ب صوص الزعفران.

وصحتين وعافية