પહેલા એક વાસણ માં મેંદો લઇશું તેમાં વચ્ચે જગ્યા કરી મીઠું, બુરુ ખાંડ, બેકિંગ પાઉડર, મીઠા સોડા, દહીં, તેલ નાખી સરખું મીક્સ કરી લોટ બાંધવો જરૂર પડે પાણીનો ઉપયોગ કરી શકાય.આ લોટ ને ઢાંકી અડધો કલાક -કલાક માટે મુકી દો.

7-8 કલાક પલાળેલા કાબુલી ચણા તેને 1-2 પાણી થી ધોઈ કુકર માં બાફવા અને તેમાં મીઠું,તમાલપત્ર, લવિંગ નાંખવા. 5-6 સીટી સુધી થવા દેવા.

હવે એક કડાઈ માં તેલ લઇશું, ગરમ થાય એટલે હિંગ અને ડુંગળી ની પેસ્ટ નાખી ચડવા દઇશું ડુંગળી ની પેસ્ટ થઈ જાય તો ટામેટા ની પેસ્ટ ઉમેરી ચડવા દેવી પછી તેમાં આદું, લસણ, મરચાં ની પેસ્ટ ઉમેરવી.જયારે આ બધું સરખું ચડી જાય ત્યારબાદ લાલ મરચું, હળદર, મીઠું, ધાણાજીરૂ, નાખી હલાવો. 1-2 મિનિટ બાદ તેમાં બાફેલા કાબુલી ચણા તેને પાણી સાથે ઉમેરી થવા દો.છેલ્લે ઇલાયચી પાઉડર, મરી પાઉડર, ગરમ મસાલો નાખી 1 મિનિટ માટે થવા દો.

ભટૂરા બનાવવા માટે 1 કલાક લોટ ને રાખ્યા પછી મસળીને લૂઆ કરી વણી લો, અટામણ ની જરૂર પડે તો મેંદા નો ઉપયોગ કરીને વણો પછી ગરમ તેલ માં તળી લો.ફૂલી જાય પછી બીજી બાજુ થવા દો, પછી ઉતારી લો.