સૌપ્રથમ નાળિયેર ને છીલી ટુકડા કરી લો.હવે ઉપર જણાવેલ ચટણી ની બધી સામગ્રી ભેગી કરી મિક્સર માં પીસી લો.વઘારીયામા તેલ ગરમ કરો તેમાં હીંગ ચપટી રાઈ અને જીરું નાખી તતડે એટલે લીમડાના પાન નાખી ચટણી પર રેડી દો.ચટણી તૈયાર છે.

સાંભાર બનાવવા માટે એક કૂકરમાં તુવર ની દાળ ને ધોઈ લો હવે તેમાં પાણી ઉમેરીને ૨ટામેટા નાખી ૪-૫ સીટી વગાડી બાફી લો.બ્લેન્ડર થી વલોવી લો.સાભાર માં નાખવા માટે શાકભાજી ધોઈને ઝીણા સમારી લો.હવે દાળ માં ઉપર જણાવેલ બધા સુકાં મસાલા ઉમેરો અને બરાબર મિક્સ કરો અને ઉકળવા દો.

હવે એક કડાઈમાં તેલ ગરમ કરો તેમાં રાઈ જીરું, આખાં લાલ મરચાં નાખી તતડે એટલે લીમડાના પાન,અળદની દાળ નાખી હલાવી શાકભાજી ઉમેરીને મીઠું સ્વાદ પ્રમાણે નાખી ૪-૫ મિનિટ સુધી ચડવા દો.ચડી જાય પછી તેને સાંભાર માં નાખી બરાબર મિક્સ કરો.સાભાર મસાલો, આમલીનો પલ્પ નાખી ઉકળવા દો.૧૦ મિનિટ સુધી ઉકાળો અને ગેસ બંધ કરી લો.તૈયાર છે સાંભાર.

વડા બનાવવા માટે દાળ અને ચોખાને ધોઈને જરૂર મુજબ પાણી નાખીને ૫-૬ કલાક સુધી પલાળી રાખો પછી પાણી કાઢી લો અને કઠણ પીસી લો.જરુર જણાય તોજ પાણી ઉમેરવું.હવે તેમાં મીઠું આદુ મરચાં ની પેસ્ટ,મરી પાવડર નાખી બરાબર હલાવી લો.વઘારીયામા તેલ ગરમ કરો તેમાં હીંગ ચપટી રાઈ નાખો તતડે એટલે તેમાં ઝીણું સમારેલું લીલું મરચું લીમડાના પાન નાખી વડાં માં નાખી બરાબર મિક્સ કરો.

હવે તેલ ગરમ કરો.થોડુ ખીરું હાથ માં લઇ વચ્ચે કાણું પાડી ગરમ તેલ માં નાખી દો.એજ રીતે બધા તૈયાર કરી લો.

ગરમ ગરમ વડા સાંભાર ચટણી અને સાંભાર સાથે સર્વ કરો.સાથે ઈડલી પણ મૂકી શકાય.