સૌપ્રથમ જીરા રાઈસ બનાવવા માટે એક તપેલીમાં પાણી ગરમ કરવા મૂકો અને તેમાં મીઠું નાખી બાસમતી ચોખા નાખો અને ૧૫ મિનિટ સુધી ઉકાળો.ચોખા ચડી જાય પછી તેને ચાળણીમાં કાઢીને ઠંડા કરી લો.વઘાર માટે એક કડાઈમાં ઘી ગરમ કરી તેમાં જીરું નાખી તતડે એટલે ભાત માં નાખી ઉપર ધાણા નાખી બાજુ પર મૂકી દો.

લહસુની દાળ તડકા માટે એક કૂકરમાં તેલ ગરમ કરો તેમાં હીંગ ચપટી રાઈ જીરું નાખી તતડે એટલે તેમાં ટામેટા નાખી બરાબર હલાવી લો હવે તેમાં આદુ મરચાં અને લસણ ની પેસ્ટ, લીલું લસણ નાખી હલાવી લો.હવે દાળ ને ધોઈ લો.ઉપર જણાવેલ બધા સુકાં મસાલા ઉમેરો મીઠું અને ખાંડ નાખી બરાબર મિક્સ કરો.હવે તેમાં દાળ નાખો અને મિક્સ કરી લો.જરૂર મુજબ પાણી ઉમેરવું.લીબુનો રસ ઉમેરી હલાવતા રહો.

દિવાની વેજ હાંડી માટે બધાં શાકભાજી ધોઈને કાપી લો.પાલક ની પેસ્ટ બનાવી લો.કાજુ ડુંગળી ની પેસ્ટ બનાવી લો.

હવે એક કડાઈમાં તેલ ગરમ કરો તેમાં હીંગ ચપટી નાખી લસણ અને લીલાં મરચાં આદું ની પેસ્ટ ઉમેરવી પછી તેમાં ડુંગળી ઉમેરીને બરાબર હલાવો.બે થી ત્રણ મિનિટ સુધી સાંતળો પછી તેમાં બધા શાક ભાજી નાખી મીઠું નાખી ૪-૫ મિનિટ સુધી ચડવા દો.હવે તેમાં ઉપર જણાવેલ બધા સુકાં મસાલા ઉમેરો અને બરાબર મિક્સ કરો.

હવે તેમાં કાજુ ડુંગળી ની પેસ્ટ ઉમેરવી અને જરૂર મુજબ પાણી ઉમેરવું.હલાવી લો.હવે તેમાં પાલક ની પેસ્ટ ઉમેરવી અને ઢાંકીને ૫-૭ મિનિટ સુધી ચડવા દો.

ચડી જાય પછી તેમાં એક ચમચી ઘી અને મલાઈ નાખી બરાબર મિક્સ કરો.વેજ દિવાની હાંડી તૈયાર છે.

પરોઠા માટે એક બાઉલમાં ઘઉં નો લોટ લઈ તેમાં મીઠું અને તેલ નાખી નરમ લોટ બાંધો અને પરોઠા વણી ગરમ તવા પર તેલ મૂકી ધીમા તાપે શેકી લો.

તો તૈયાર છે આપણું વેજ દિવાની હાંડી લહસુની દાળ તડકા પરોઠા સાથે જીરા રાઈસ.... ગરમ ગરમ સર્વ કરો.સાથે સલાડ પાપડ અને દહીં સાથે પીરસો.