સૌપ્રથમ એક થાળીમાં ઘઉં નો લોટ લઈ તેમાં મીઠું અને તેલ નાખી લોટ બાંધી લો હવે તેને ઢાંકીને રહેવા દો.હવે તેમાંથી લુવા લઈને મોટી પતલી રોટલી વણી લો.કાચી પાકી તવા પર શેકી લો.

ટીક્કી બનાવવા માટે સૌપ્રથમ બટાટાને બાફીને તેનો માવો કરો.તેમા ઝીણા સમારેલા ગાજર કેપ્સિકમ કોબી ડુંગળી બીટ (તમે તમારા મનપસંદ લો) નાખી લો.હવે તેમાં મીઠું અને ઉપર જણાવેલ બધા સુકાં મસાલા, લીંબુનો રસ અને લીલાં ધાણા નાખી બરાબર મિક્સ કરો.

હવે તવી ગરમ કરો.બટાકા ના મિશ્રણ માંથી લંબગોળ આકાર ની ટીક્કી બનાવી લો.તવી પર તેલ મૂકી ધીમા તાપે શેકી લો.

લીલી ચટણી અને મેયોનીસ મિક્સ કરી લો.તેમા ચીલી ફ્લેક્સ અને લીલાં ધાણા નાખી બરાબર મિક્સ કરો.શાકભાજી લાંબા સમારી લો.

હવે એક રોટલી લો અને તેમાં લીલી ચટણી અને મેયોનીસ નું મિશ્રણ લગાવી લો.થોડુ સલાડ પાથરી લો.તેના પર તૈયાર કરેલી ટિક્કી મૂકી દો.ઉપર સલાડ અને ચાટ મસાલો ભભરાવી દો.ઉપર ચીઝ છીણી લો.

હવે રોલ વાળી તવા પર તેલ મૂકી ધીમા તાપે શેકી લો.તો તૈયાર છે આપણી આલૂ ફ્રેંકી

ટેસ્ટી અને હેલ્ધી ફ્રેંકી તૈયાર.