प्रथम चिकन स्वच्छ धुवून घ्यावे. आता विनेगर मध्ये भिजवलेली मिरची, जिरे, धणे,काळीमिरी,दालचिनी, आले व लसूण मिक्सर मध्ये बारीक वाटून घ्यावे. (गरज पडल्यास त्यात मिरची भिजवलेले थोडे विनेगर घालावे म्हणजे एकदम fine paste होते.)

आता वाटलेले मिश्रण चिकनला व्यवस्थित लावून ते साधारणपणे अर्धा ते एक तास marinate करून घ्यावे. आता एका pan मध्ये तेल घेऊन त्यात बारीक चिरलेला कांदा चांगला गुलाबीसर होईपर्यंत परतवून घ्यावा. आता त्यात marinated चिकन घालून व्यवस्थित एकत्रित करून घ्यावे.

त्यात थोडे पाणी अथवा चिकन स्टॉक घालावा. चवीनुसार मीठ घालावे. झाकण ठेवून मंद आचेवर शिजवून घ्यावे. (अंदाजे २५ - ३० मिनिटे लागतात). कोथिंबीर बारीक चिरून घालावी. (जास्त तिखट झाल्यास त्यात १/२ वाटी दही घालून एक उकळी काढावी.) आणि गरमागरम serve करावे. हे चपातीसोबत किंवा भातासोबतही मस्त लागते. सोबतीला कांदा आणि लिंबू तर हवाच... 😋😋. गार्निशिंग साठी मि थोडे दही वापरले आहे.