સૌથી પહેલાં સમોસા ના પળ માટે લોટ તૈયાર કરી લેવો. લોટ તૈયાર કરવા માટે એક કથરોટ માં ઉપર જણાવ્યા મુજબ લોટ લેવો. મેંદાનો અને ઘઉં નો લોટ મિક્સ કરી લેવો.

ત્યાર બાદ તેલ નું મોણ નાખવું (ઘી નું પણ મોણ યુઝ કરી શકાય) અજમાં અને મીઠું નાખવું. ચીલી ફ્લેક્સ નાખવા (જે ઓપ્શનલ છે, થોડું તીખું જોઈતું હોય તો નાખી શકાય) આ બધું લોટ માં ઉમેરી હાથ થી મિક્સ કરી લેવું. પછી થોડું પાણી ઉમેરતાં જવું અને લોટ બાંધી દેવો. લોટ થોડો કઠણ બાંધવો.

પછી બાંધેલા લોટ પર તેલ લગાડી સોફટ કોટન કપડાં થી ૨૦-૩૦ મિનીટ્સ સુધી ઢાંકી દેવો.

લોટ માં કૂણ આવે ત્યાં સુધી માં આપણે તૈયાર કરીશુ સમોસા સ્ટફિંગ.

એક પેન માં તેલ મૂકવું. તેલ ગરમ થાય એટલે જીરું, ધાણા, હિંગ, વરિયાળી મૂકી થોડું હલાવવું. પછી તેમાં આદુ મરચાં પેસ્ટ, ગ્રીન ચીલી ઉમેરવાં. પછી તેમાં વટાણા (બોઈલ કરેલા) ઉમેરવા અને થોડું હલાવવું. હવે ૨ મિનીટ પછી તેમાં લાલ મરચું પાઉડર, ધાણાજીરું પાઉડર, શેકેલા જીરું પાઉડર, આમચૂર પાઉડર, ગરમ મસાલા, કાલી મિર્ચ અને મીઠું ઉમેરી મિક્સ કરવું. હવે તેમાં બટેકાં (બોઈલ અને સ્મેશ કરેલા) ઉમેરવાં અને બધું હલાવીને મિક્સ કરી લેવું. પછી તેમાં કાજુ, કિસમિસ અને કોથમીર ઉમેરવા અને બધું બરાબર મિક્ષ કરી લેવું.

સ્ટફિંગ તૈયાર થઈ ગયું છે, હવે આપણા લોટ માં પણ કૂણ આવી ગઈ છે. તો હવે સમોસા તળવા માટે તૈયાર કરીશું.

હવે લોટ ના સરખા ભાગ માં રાઉન્ડ બોલ બનવવા. પછી એક રાઉન્ડ બોલ લઇ તેને તેલ થી ગ્રીસ કરી ઉપર થોડો લોટ છાટી તેને લંબગોળ શેપ માં વણી લેવું. હવે તેને વચ્ચેથી કટ કરી ૨ ભાગ કરી દેવા. હવે એક ભાગ ને ફરતે (મેંદા ની સ્લરી લગાવવી) અને સમોસા નો શેપ આપી વચ્ચે ના ભાગ માં સ્ટફિંગ ભરી પેક કરી દેવું. આવી જ રીતે બીજા ભાગ નું વણેલું પળ લઈ સ્લરી લગાડી સ્ટફિંગ ભરી પેક કરી લેવું. બધા રાઉન્ડ બોલ્સ આવી રિતે તૈયાર કરી લેવા.

હવે બધા સમોસા સ્ટફિંગ ભરીને રેડી થઈ જાય એટલે એક કડાઈમાં ડિપ ફ્રાય થાય તેટલું તેલ મૂકી ગરમ કરવા રાખવું. તેલ ગરમ થાય એટલે આપણા સ્ટફિંગ ભરેલા ૩-૪ સમોસા તેલ માં નાખવા અને સમોસા નું પળ બ્રાઉન કલર નું થાય ત્યાં સુધી બને બાજુ તળવા. સમોસા તળતી વખતે ગેસ ની ફ્લેમ લો ટૂ મીડિયમ રાખવી.

આવી રીતે બધા સ્ટફિંગ ભરેલા સમોસા તળી લેવા. તો તૈયાર છે ક્રિસ્પી, ટેસ્ટી અને યમ્મી સમોસા સર્વ કરવા માટે. આપણે ગ્રીન ચટણી સાથે સર્વ કરીશુ.