કાચી કેરીને ધોઇને સાફ કરી લો. હવે એક મોટી તપેલીમાં કેરી ડૂબે તેટલા પ્રમાણમાં પાણી લેવું અને મીઠું ઉમેરી દેવું. કેરી ની બધી છાલ ઉતારી લેવી.

છાલ ઉતારીને કેરીને જાડી ખમણી વડે અથવા તો ચપ્પુ વડે ઝીણી સમારી લેવી.કેરીને મીઠાના પાણીમાં ભળતાં જવી જેથી તે કાળી ના પડે અને આમચૂર પાઉડર બને પછી પણ સફેદ જ રહે. બધું ખમણ થઈ જાય પછી થાળીમાં ફેલાવી દેવું.

૫ થી ૬ દિવસ સુધી તડકે સૂકવી જેથી તે એકદમ ડ્રાય થઇ જાય. હવે એક મિક્સર જારમાં કેરી ની સુકવણી ને તોડી ને એડ કરો. તેનો એકદમ ફાઇન પાઉડર બનાવી લેવો. ઝીણા હવારાથી ચાળી લેવો છે જેથી મોટા કટકા હોય તો તે નીકળી જાય. હવે તેને એરટાઇટ કન્ટેનરમાં રાખી આખું વર્ષ સુધી સ્ટોર કરી શકો છો. પંજાબી શાક, આલુ પરોઠા,ગ્રેવી બધામાં આ પાઉડર નો સ્વાદ ખુબ જ સરસ લાગે છે.