સૌપ્રથમ બધી સામગ્રી ભેગી કરો. ઈલાયચી જાયફળ નો ભૂકો કરી લો. તુવેરદાળ ને કૂકર માં જરૂર મુજબ પાણી ઉમેરી બાફી લો.

ત્યારબાદ ઘઉંનો લોટ લઈ તેમાં તેલ નું મ્હોણ ઉમેરી રોટલીનો લોટ બાંધી તેને બાજુ પર મૂકી દો. હવે તુવેરદાળ બફાઇ ગયેલ છે તેને એક લોયામાં કાઢી પાણી બળવા માટે મૂકી દો. તેને ચમચા વડે હલાવતા રહો. તેમાં પાણી બળી જાય એટલે ખાંડ ઉમેરી હલાવતા રહો જેથી કરીને તે પુરણ બળે નહીં. હવે તેમાં ઈલાયચી જાયફળ નો પાઉડર ઉમેરો. તો તૈયાર છે પુરણ.

તૈયાર થયેલ પુરણ ને ઠરવા માટે મૂકી દો. પુરણ થરી જાય એટલે તેનાં નાના નાના ગોળા વાળી ને રાખી દો.હવે લોટ માંથી એક લુવો લઈ તેની પૂરી વણી તેમાં પુરણ નો નાનો ગોળો લઈ તેને વાળી ને આખું પેક કરી દેવું અને તેને રોટલી જેમ વણવું પણ તેને આછી ન વણવી થોડી ભૈરી રાખવી.

હવે ગેસ પર લોઢી મૂકી તે વણેલી રોટલી ને ધીમા તાપે શેકી લો ગુલાબી રંગની થવા દો. તે શેકાય ગયા બાદ તેમાં આખા માં ઘી લગાડો. તો તૈયાર છે સ્વાદિષ્ટ પુરણપુરી.દહીવડા બનાવા માટે મેં અડદ ની દાળ રાત્રે પલાળી રાખી હતી. સવારે તે પલાળેલી દાળ માંથી પાણી કાઢી તેને મિક્સરમાં પીસી લીધી. હવે તેમાં મીઠું, મરી નો પાઉડર, ઉમેરી તેના વડા ઉતારી લો.

ત્યારબાદ એક તપેલીમાં ઠંડુ પાણી લો અને બીજી તપેલીમાં ખાંડ વાળું દહીં લો. ગરમ તેલમાંથી ઉતારેલા વડા પાણી ની તપેલીમાં ઉમેરો ત્યારપછી પાણી માંથી વડા કાઢી દહીં ની તપેલીમાં ઉમેરો.તૈયાર છે દહીવડા તેને શેકેલ જીરા નો પાઉડર વડે ગાર્નિશ કરો. તો તૈયાર છે પુરણપૂરી દહીવડા સાથે તેને માણો.