सर्वप्रथम पपई स्वच्छ धुवून सोलून घ्या. त्यानंतर त्याच्या आतला नरम भाग आणि बिया काढून घ्या.

आता एका भांड्यामध्ये पपईचे सर्व तुकडे बुडतील एवढे पाणी गरम करा, गरम केल्यावर गरम पाण्यामध्ये कट केलेले सर्व पपईचे तुकडे टाका आणि तीन ते चार मिनिट शिजू द्या, चार मिनिटानंतर गॅस बंद करा झाकण ठेवून ते तसेच पाच मिनिट राहू द्या.

आता एका भांड्यामध्ये तीन कप साखर आणि तीन कप पाणी गरम करा ते उकडल्यानंतर पाणि गाळून घेतलेले पपईचे तुकडे त्यात टाका. आणि एकतारी पाक होईस्तोवर शिजवा, एकतारी पाक झाल्यावर गॅस बंद करा.

आता शिजलेल्या पपईमध्ये एक चमचा व्हॅनिला इसेन्स टाकून चांगले मिक्स करा आणि आपल्या आवडीनुसार जितक्या कलरची टुटी फ्रुटीटी बनवायची आहे तितक्या भागांमध्ये डिव्हाइड करा. मी तीन कलर मध्ये टूटीफ्रूटी बनवली आहे.

प्रत्येक भागामध्ये आपल्या आवडीनुसार कलर टाका आणि मिक्स करा ते झाकून तसेच दहा-बारा तास राहू द्या म्हणजे आपली टूटीफ्रूटी सर्व कलर अब्सोर्ब करून घेईल.

दहा-बारा तासानंतर तुम्ही बघाल टुटी फ्रुटी ने सर्व कलर अब्सोर्ब करून घेतला असेल आता चाळणीने उरलेला पाक गाळून घ्या, प्लेटमध्ये स्टॅंडवर चाळणी ठेवू त्यात टूटीफ्रूटी टाका आणि पंख्याच्या हवे खाली पूर्णपणे वाळवून घ्या.

उरलेला पाक फेकून देऊ नका तो तुम्ही सरबत बनवण्यासाठी वापरू शकता. तसेच एखादी कलर डिश बनवताना पण त्याचा वापर होऊ शकतो.

वाळल्यानंतर टुटी फ्रुटी एका एअर टाईट डब्यांमध्ये भरून फ्रीजमध्ये ठेवा.