હવે માખણ ના મિક્સચર થોડો થોડો કરી ને મેંદો ઉમેરતા જાવ અને બરાબર મિક્સ કરો. હવે કિચન પ્લેટફોર્મ પર લઇ 2:1 ના પ્રમાણમાં તેને 2 ભાગોમાં વહેંચો. લોટ ને બાંધવા માટે દરેક ભાગમાં એકદમ થોડું દૂધ ઉમેરો અને ભાખરી જેવો લોટ બાંધી લો.

ફ્રીઝર માંથી કાઢી ને હાર્ટસ ની ફરતે સફેદ કણક એક સરખો લપેટી દો.. બધી તિરાડો દૂર કરવા તેને રોલ કરો. રોલ ને ફરી 30 મિનિટ માટે ફ્રીઝર માં સેટ થવા મુકો। ત્યાર બાદ રોલ માંથી 1/2 cm જાડાઈ વાળી સ્લાઈસ કાપી લો. હવે એક બેકિંગ ટ્રે પર બટર પેપર મૂકી તેની ઉપર હાર્ટ કૂકીઝ ગોઠવી દો. કૂકીઝ ને છૂટી છૂટી ગોઠવો જેથી બેકિંગ વખતે ફૂલવા માટે જગ્યા રહે.

➡️ એગલેસ ન્યૂટેલા સ્ટફ્ડ કૂકીઝ બનાવવા માટે સૌ પ્રથમ મેંદા માં બેકિંગ પાઉડર અને બેકિંગ સોડા નાખી મિક્સ કરો અને ચારી લો. હવે એક બોઉલ માં બટર લઇ તેમાં બ્રોઉન ખાંડ અને દળેલી ખાંડ ઉમેરો। તેને બરાબર હલાવી ને મિક્સ કરો. હવે તેમાં વેનીલા એસેન્સ નાખી બરાબર મિક્સ કરો. ત્યારબાદ દૂધ નાખી ફરી મિક્સ કરી બરાબર હલાવી લો.

હવે આ મિક્સચર ની અંદર થોડો થોડો કરી ને મેંદા નું મિશ્રણ ઉમેરતા જાવ અને લોટ બાંધી લો. આ લોટ ના 2:1 ભાગ કરો. મોટા ભાગ માં ચોકલેટ ચિપ્સ ઉમેરી ને મિક્સ કરો, નાના ભાગ માં મીની જેમ્સ અથવા M&મ's નાખી મિક્સ કરો અને આ બંને મિક્સચર ને ફ્રીઝ માં 30 મિનિટ સેટ થવા મૂકી દો.

એક બટર પેપર પર 1-1 ટીસ્પૂન જેટલા ન્યુટેલા સ્પ્રેડ ના સ્કુપ પાથરો અને ફ્રીઝર માં 30 મિનિટ માટે સેટ થવા મૂકી દો. હવે એક મોટી પેન માં મીઠું લઇ ઉપર સ્ટેન્ડ મૂકી ને ઢાંકણ ઢાંકી દો અને 5-7 મિનિટ માટે ફાસ્ટ ફ્લેમ પર પ્રી હીટ કરવા મૂકી દો. હવે 30 મિનિટ પછી લોટ ના 6-7 લુવા કરો. દરેક લુવા ને થાપી તેમાં વચ્ચે ફ્રીઝ કરેલું ન્યુટેલા મૂકી, બધી બાજુ બંધ કરી ને ગોળા વાળી લો. બધા ગોળા ને સેજ દબાવી ને કુકી નો આકાર આપી દો અને ઉપર થી ચોકો ચિપ્સ લગાવો। એવીજ રીતે જેમ્સ ની કૂકીઝ તૈયાર કરો.