#रेसिपीबुक #week10
#मोदकरेसिपी
🙏🌺🙏गणपती बाप्पा मोरया 🙏🌺🙏
गणेशोत्सवाच्या तुम्हां सर्वांना मोदमय (आनंदमय) शुभेच्छा💐🎊🎉
गणेशउत्सव... अतिशय चैतन्यदायी आबालवृद्धांच्यामनात आनंदाची कारंजी फुलवणारा ,विद्येची ,बुद्धीची देवता असलेल्या,विघ्नांचा नाश करणार्या देवतेचा,रिद्धीसिद्धी प्रदान करणार्या बाप्पाचा,सकल कामनांची पूर्ती करणार्या आपल्या लाडक्या बाप्पाच्या जन्मदिवस ...मग तो हर्षोल्हासातच साजरा व्हायला हवा ना.. घराघरांमध्ये जन्माष्टमी नंतर बाप्पांच्या आगमनाचे वेध लागतात.त्यांच्या स्वागतासाठी सगळे घर जोरदार तयारीला लागते.गृहिणींची साफसफाई ची लगबग,वाणसामानाची यादी..ते भरुन ठेवणं..ठेवणीतली भांडीकुंडी काढून धुवून पुसून ठेवणं,मुख्य म्हणजे आंबेमोहोर किंवा बासमती तांदूळ धुवून,वाळवून त्याची मोदकासाठी मऊसूत पिठी दळून आणली की निम्मे काम फत्ते झालेच म्हणून समजा..मुलाबाळांची सजावटीची थीम final करुन आरास खरेदीसाठी मोर्चा वळतो.असं करता करता आदला दिवस येऊन ठेपतो‌‌..मग काय कामाची लगबग विचारुच नका.‌.final touch सुरु होतो..मुलींना पत्री आणायलापिटाळलेजाते,रांगोळ्या रेखाटल्या जातात..सजावट रात्रभर जागून complete केली जाते..पै पाहुण्यांनी घराचे कसे गोकुळ होते. मग मुख्य दिवस उजाडतो.गणपती बाप्पांची कुलाचाराप्रमाणे विधीवत पूजा संपन्न होतेआणि मग या उत्सवाचा परमोच्च बिंदू येऊन ठेपतो.तो म्हणजे सुगरणींच्या हातचा सुग्रास नैवेद्य.पारंपरिक पदार्थाबरोबरच बाप्पांच्या आवडीचे उकडीचे मोदक अतिशय निगुतीने करतात..ज्याच्या नावातच आनंद (मोद)आहे असा पदार्थ..तांदळाच्या उकडीसारखे पांढरेशुभ्र मऊसूत मृदू मन असावे आणि त्यात गुळाखोबर्यासारखा गोडवा असावा.मग केवळआनंदाचशिंपणच..हेचतरसुचवायचे नसेलबाप्पाला🙏