प्रथम एका पॅन मध्ये दोन चमचे तूप घालून त्यात रवा तीन ते चार मिनिटं पर्यंत मध्यम आचेवर भाजून घ्या.

रवा आपल्याला अगदी गुलाबी नाही भाजायचा आहे.आता त्यात दोन चमचे साखर आणि रवा शिजेल इतपत माजा मॅंगो ड्रिंक घालून छान दोन ते तीन मिनिटं पर्यंत शिजवुन घ्यायचा आहे.

आता तयार मिश्रण एका प्लेटमध्ये काढून थंड होऊ द्या. आता त्याच पॅन मध्ये कैरीचा कीस तसेच तीन चमचे साखर आणि वेलची पूड घालून तीन ते चार मिनिटांत पर्यंत शिजवून घ्यायचा आहे. हे आपलं मोदकाचं आत मधील सारण तयार होईल.

आता तयार रव्याच्या मिश्रणा पैकी दोन चमचे मिश्रण एका वाटीत घेऊन, त्यात लाल अथवा केशरी रंग घालून छान मळून घ्या.व उर्वरित मिश्रणात थोडी हळद अथवा पिवळा कलर घालून कणीक मळतो त्याप्रमाणे मळून घ्या.

आता त्याचा एक छोटा गोळा घेऊन त्याची वाटी तयार करून त्यात कैरीचे सारण भरा व ते बंद करून त्याचा मोदक तयार करा.मोदक झाल्यावर वरचा भाग थोडा पसरट ठेवा. आता परत एक छोटा गोळा घेऊन त्याचा कलश तयार करा. (फोटोत दाखविल्याप्रमाणे)व त्या मोदकाच्या पसरट भागावर ठेवा.आता थोडा केशरी रंगाचा गोळा घेऊन त्याला धाग्यासारखे तयार करा. (फोटोत दाखविल्याप्रमाणे)आणि मोदकाला गुंडाळून घ्या.

आता एका काटा सुरीच्या साह्याने मोदकाला तसेच कलशाला मोदकासारख्या कळ्या करून घ्या. तयार मोदकाच्या बाजूला आंब्याची पाने लावून घ्या.अशा प्रकारे सगळी मोदके तयार करून घ्या.

अप्रतिम चवीचे माजा मॅंगो कलश मोदक तयार.