प्रथम खोलगट भांड्या मध्ये बारीक रवा व बेसन पीठ एकत्र करून घेणे. नंतर त्यात मिरचीची पेस्ट, चवीनुसार मीठ, साखर घालून घेणे. (मिश्रणात हळद घालू नये.) ते मिश्रण एकत्र करून त्यात 1 ते दीड कप साधारण त्यात पाणी घालून पातळ भिजवून घेणे (मध्यम असे पातळ करावे). नंतर त्यात एक चमचा तेल घालून हलवावे.

गॅस वर कढई ठेवून त्यात थोडे पाणी घालून घेणे. नंतर त्या कढई वर एक खोलगट थाळा तेल लावून ठेवावा. तो थाळा चांगला गरम करून घेणे.

नंतर थाळी गरम होत आली कि तयार मिश्रणात लिंबू रस, घालून हलवावे व लगेचच त्यात इनो घालून वरून थेंब भर पाणी घालून एकाच बाजूने ते लगेचच हलवून घेणे. ते मिश्रण हलके होताना दिसते. लगेचच ते मिश्रण गरम केलेल्या थाळी मध्ये ओतावे. व झाकण ठेवून 15 ते 20 मिनिट वाफवून घेणे. मध्यम आचेवर वाफवण्यास ठेवावा.

ढोकळा तयार होई पर्यंत एका बाजूला खमंग फोडणी तयार करून घेणे. फोडणी मध्ये हळद घालावी. वेळ झाली कि झाकण काढून पाहावे कि ढोकळा वाफवला गेला आहे का. ते पाहण्यासाठी सूरी त्या वाफलेल्या ढोकळ्या मध्ये टोचून पाहावे. मिश्रण जर सुरीला चिकटत असेल तर आजून 5 मिनटे झाकण लावून वाफवावा. जर सुरीला काही ते मिश्रण चिकटले नाहीतर समजावे ढोकळा तयार आहे. गॅस बंद करून थाळी खाली काढून घेणे. वाफ गेल्यानंतर त्याचे सुरीने त्याचे काप करून घेणे.

खूप हलका आणि स्पॉंजी खमंग ढोकळा तयार होतॊ. टेस्ट ला ही खूपच छान होतो. नक्की करून पहा.